பணிசிறக்க மாவட்ட சங்கம் மனதார வாழ்த்துகிறது.

BSNLEU மதுரை மாவட்ட சங்கசெய்தி...

தோழர்களே! அனைவருக்கும் வணக்கம் ...

நமது மாவட்ட சங்கத்தின் செயற்குழுவின் முடிவின் அடிப்படையில் 17.10.2013 அன்று,         மதுரை திருப்பாலைகிளை புனரமைக்கப்பட்டுள்ளது. இக்கூட்டத்தில் தோழர் C. செல்வின்சதியராஜ் ,மாநில அமைப்புயலர், மாவட்டசங்க நிர்வாகிகள் தோழர்கள் சூரியன், வெங்கடேசன், ராமலிங்கம் தல்லாகுளம் CSC கிளைசெயலர் தோழர் C. தனபால் ஆகியோர் கலந்துகொண்டனர். கூட்ட முடிவில்  புதிய கிளை தலைவர், செயலர், பொருளர் முறையே தோழர் K. ஆண்டிசாமி, N. வசந்தா,     K.P. இந்துமதி ஆகியோர் கொண்ட புதிய கிளைசங்கம் உருவாக்கப் பட்டுள்ளது. புதிய கிளைசங்கம் செயல்பாடு சிறக்க மாவட்டசங்கம் மனதார வாழ்த்துகிறது.

17.10.2013 அன்று மாலை தல்லாகுளம் CSC / TRCயில் கிளை தலைவர் தோழர் C. காமாட்சிசுந்தரம் தலைமையில்  நடைபெற்ற CSC  கிளை மாநாட்டில், மாநில சங்க நிர்வாகிகள் தோழர்கள், சி. பழனிசாமி, எஸ்.ஜான்போர்ஜியா, சி.செல்வின்சத்தியராஜ், மாவட்ட சங்க நிர்வாகிகள் தோழர்கள். எஸ்.சூரியன், எஸ். மாயாண்டி, G.K. வெங்கடேசன், எஸ். ராமலிங்கம், எஸ்.மானுவேல் பல்ராஜ், TNTCWU மாவட்ட செயலர் தோழர். என். சோணைமுத்து  மற்றும் நகர கிளைசெயளர்கள், முன்னணி தோழர்கள் உட்பட 80-க்கும் மேற்பட்டவர்கள் கலந்து கொண்டு சிறப்பித்தார்கள். 

மாநாட்டின் இறுதியில் தலைவர், செயலர், பொருளர் முறையே, தோழர்கள் சி. தனபால், எஸ். சாத்தாவு, எஸ். சங்கர் உள்ளிட்ட 15 நிர்வாகிகள் ஒரு மனதாக தேர்ந்து எடுக்கப்பட்டனர். புதிய கிளை நிர்வாகிகள் பணிசிறக்க மாவட்ட சங்கம் மனதார வாழ்த்துகிறது.

தோழர்களே! நமது 7வது மாவட்ட மாநாட்டு பணிகளை அணைத்து கிளைகளும் விரைந்து முடித்திட வேண்டுகிறோம். மாநாட்டு திட்டங்களை, நோக்கத்தை ஊழியர்கள் மத்தியில் மதுரை மாவட்டம் முழுவதும் விரிவாக எடுத்து செல்ல வேண்டுமாய் தோழமையோடு கேட்டுக்கொள்கிறோம். கிளைகளுக்கான நன்கொடை நிதி வசூலை விரைந்து முடித்து மாவட்டப் பொருளர் தோழர். எஸ். மாயாண்டி வசம் ஒப்படைத்திட வேண்டுகிறோம்.

தோழர்களே! நமது BSNLEU சங்கத்தில்  இணைந்து செயல்பட  உறுதி பூண்டுள்ள Com. K. ஆண்டிசாமியை, மாவட்ட செயலர் S. சூரியன் பொன்னாடை போர்த்தி வரவேற்று உள்ளார். தோழர். K. ஆண்டிசாமி உறுப்பினராக நமது சங்கத்தில் இணைந்து உள்ளது கூடுதல் வலுசேர்க்கும் என்பதை மாவட்ட சங்கம் மகிழ்வோடு பகிர்ந்து கொள்கிறது.