செய்தி . . . துளிகள் . . .

அருமைத்தோழர்களே..! ஒருவழியாக நமது தமிழ் மாநிலத்தில் .ERP மூலம் நிரந்தர ஊழியர்களின் டிசம்பர்-2014 மாத சம்பளம் செயல்முறைப்படுத்தப்பட்டுள்ளது.ஊழியர்களுடைய 2014-டிசம்பர் மாத மொத்த சம்பளம், பிடித்தம் மற்றும் கையிருப்பு பணம் ஆகிய தகவல்கள் ஒவ்வொருவரின் அலைபேசிக்கு குறுந்தகவலாக அனுப்பப்பட்டுள்ளது.இதில் ஏதேனும் விடுதல் மற்றும் குளறுபடிகள் இருந்தால் தோழர்கள் உடனடியாக தகவல் தெரிவிக்கலாம். சம்பள பட்டுவாடா ஓரிரு நாட்களில்  நடந்தேறும்.

ஆனால்  இம்மாத GPF பட்டுவாடா..சென்ற மாத ஒப்பந்த ஊழியர் சம்பள பட்டுவாடாஆகியவை இன்னும் தீர்க்கப் படவில்லை.ஒரு சில மாவட்டங்களில் ஒப்பந்த ஊழியர்களுக்கு நவம்பர் மாதச்சம்பளம்   வழங்கப் பட்டுள்ளது. ஒப்பந்தக்காரர்களின் வங்கி கணக்கு எண் மற்றும் வங்கி அடையாள எண் ஆகியவற்றில் நிகழும் குளறுபடிகளால் பில் பட்டுவாடாவில் தாமதம் ஏற்படுகின்றது. ஆரம்பக்கட்டம் என்பதால் இத்தகைய   குளறுபடிகள் ஏற்பட்டுள்ளன என்றும் வரும் புத்தாண்டில் இவையெல்லாம் சரிசெய்யப்படும் என்றும்..நிர்வாகத்தால் நம்பிக்கை தரப்படுகிறது குறிப்பாக நமது மதுரை மாவட்டத்தில் டிசம்பர் -2014லில் இன்க்ரிமென்ட் பெறக்கூடியவர்கள் சுமார் 147 பேருக்கு விடுதல் உள்ளதை கண்டறிந்து நமது மாநில சங்கத்தின் கவனத்திற்கும், நிர்வாகத்தின் கவனத்திற்கும் மாவட்ட சங்கம் கொண்டு சென்றுள்ளது.....

டிலாய்ட் கமிட்டியின் பரிந்துரைகளைக் கணக்கில் கொண்டு BSNL நிர்வாகம் அதிகாரிகள் மற்றும் ஊழியர்கள் தேவை என்ன என்பது  குறித்து ஒரு மாடல்  கணக்கை தொழிற்சங்கங்களுக்கு   BSNL நிர்வாகம் தெரிவித்துள்ளது.

CGM,PGM,GM,DGM,DE,SDE,AO,JTO,JAOபோன்ற கேடர்களில் தற்போது 45852 அதிகாரிகள் உள்ளனராம். தேவைப்படும் அதிகாரிகள் 55780 பேர் என நிர்வாகம் கூறியுள்ளது.

எஞ்ஜினியரிங் பிரிவு

CGM பதவியில் 44 பேர்தான் உள்ளனர். 80 பேர் தேவையாம்.

GM பதவியில் 484 பேர்தான் உள்ளனர். 715 பேர் தேவையாம்.

DGM பதவியில் 1074 பேர்தான் உள்ளனர்.1868 பேர் தேவையாம்.

DE பதவியில் 3642 பேர்தான் உள்ளனர்.7588 பேர் தேவையாம்.

SDE/JTO பதவியில் 40608 பேர்தான் உள்ளனர். 45529 பேர் தேவையாம்.

கட்டிடக்கலை பராமரிப்பிற்கு 157 அதிகாரிகள் உள்ளனராம் 163 பேர் தேவையாம்

சிவில் பகுதிக்கு 1797 அதிகாரிகள் உள்ளனராம். 1817 பேர் தேவையாம்.

எலக்ட்ரிகல் பகுதிக்கு 1157 அதிகாரிகள் உள்ளனராம். 1167 பேர் தேவையாம்.

கணக்கியல் பிரிவு

CGM/PGM பதவியில் 6 பேர்தான் உள்ளனர்.8 பேர் தேவையாம்.

GM பதவியில் 29 பேர்தான் உள்ளனர். 59பேர் தேவையாம்.

DGM பதவியில் 278 பேர்தான் உள்ளனர்.402 பேர் தேவையாம்.

CAO பதவியில் 453 பேர்தான் உள்ளனர்.920 பேர் தேவையாம்.

AO/JAO பதவியில் 5987 பேர்தான் உள்ளனர். 5514 பேர் தேவையாம்.

ஊழியர்கள்
TTA  கேடரில் 19691 பேர் உள்ளனர். தேவை 24000.

SRTOA  கேடரில் 30000 பேர் உள்ளனர். தேவை 30000.

TM கேடரில் 87487 பேர் உள்ளனர். RMகேடரில் 29541 பேர் உள்ளனர். 

TM மற்றும்RM கேடர்களில்உள்ளோர் மொத்தம் 1,17,025. தேவை 72000.

ஊழியர்கள் 1,98,223 உள்ளனர்.தேவை 1,27,500